Մագնուս Կարլսենի ու «Լիվերպուլի» ֆուտբոլիստի պարտիան տեւել է 5 րոպե (ֆոտո)
22:38 8 հոկտեմբերի, 2018Անգլիական «Լիվերպուլի» պաշտպան Տրենտ Ալեքսանդր-Առնոլդը շախմատ է խաղացել աշխարհի չեմպիոն, ՖԻԴԵ-ի առաջին համար Մագնուս Կարլսենի հետ։ Մանչեսթերում կայացած ընկերական պարտիան տեւել է 5 րոպե եւ 17-րդ քայլում ավարտվել նորվեգացի գրոսմայստերի հաղթանակով։
«Երբ ունենում եմ ազատ ժամանակ, միշտ փորձում եմ շախմատ խաղալ։ Չնայած սա կարելի է պարտություն համարել 0։1 հաշվով, սակայն ես կմարզվեմ ավելի շատ եւ, հնարավոր է, որ մենք կանցկացնենք ռեւանշ հանդիպում»,- անգլիացի ֆուտբոլիստի խոսքը մեջբերում է BBC-ն։
«Ստացվեց հրաշալի պարտիա։ Տրենտը լավ տեսք ուներ։ Նա դեռ սովորելու տեղ ունի։ Ակնհատ է, որ նա ունի շախմատային տաղանդ»,- ասել է Մագնուս Կարլսենը։
Հիշեցնենք, որ նոյեմբերին Մագնուս Կարլսենն աշխարհի չեմպիոնական մրցամարտ կանցկացնի Ֆաբիանո Կարուանայի հետ։
Head over to my Insta Live to watch how I got on against @theworldchess champion! Thanks to @kaspersky for setting this all up pic.twitter.com/OZXhbcq0Qx
— Trent Arnold (@trentaa98) October 8, 2018
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։