UFC. Մաքգրեգորը հանձնվեց Նուրմագոմեդովին, բախում մենամարտից հետո
11:32 7 հոկտեմբերի, 2018Խառը մենամարտերի թեթեւ քաշային կարգում UFC չեմպիոն Հաբիբ Նուրմագոմեդովը Լաս Վեգասում տեղի ունեցած տիտղոսային մենամարտում հաղթել է երկու քաշային կարգերում աշխարհի նախկին չեմպիոն Քոնոր Մաքգրեգորին՝ պաշտպանելով տիտղոսը:
Ռուսաստանը ներկայացնող մարտիկը հաղթել է չորրորդ ռաունդում խեղդող հնարքով: Իռլանդացի Մաքգրեգորը հանձնվել է: Հաբիբը մնաց անպարտելի (27-0՝ կարիերայում, 11-0՝ UFC-ում), Քոնորը կրեց երկրորդ պարտությունը UFC-ում:
Մենամարտից հետո մարզիկների թիմերի միջեւ բախում է եղել մարզադահլիճում, որը սադրել է Հաբիբը՝ դուրս գալով ութանկյունից: Նա հարձակվել է Մաքգրեգորի ընկեր Դիլոն Դենիսի վրա: Այդ պահին ութանկյուն է մտել Նուրմագոմեդովի մարտավկա Զուբայր Տուխուգովը եւ սկսել է կռվել Մաքգրեգորի հետ: Հաբիբը ոստիկանների ուղեկցությամբ լքել է դահլիճը: Չեմպիոնին գոտին չեն հանձնել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։