Ալինա Զագիտովան բարելավել է աշխարհի ռեկորդը անհավանական ազատ ծրագրով

18:16   6 հոկտեմբերի, 2018

Oլիմպիական չեմպիոն, ռուսաստանցի Ալինա Զագիտովան Ճապոնիայում անցկացված գեղասահքի թիմային մրցաշարում Եվրոպայի հավաքականի կազմում սահմանել է աշխարհի ռեկորդ կանանց մենասահքի ազատ ծրագրում:

16-ամյա մարզուհին «Կարմենի» երաժշտության ուղեկցմամբ ստացել է 159,18 միավոր: Նախորդ ռեկորդը Զագիտովան սահմանել էր սեպտեմբերին Գերմանիայում՝ 158,50:

Նշենք, որ մարզաձեւի միջազգային ֆեդերացիան օգոստոսին զրոյացրել էր բոլոր համաշխարհային ռեկորդները կատարման գնահատման նոր ծրագրեր ներմուծելու պատճառով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։