Պոու Գազոլ. DreamTeam-ը հզոր մրցակից է, բայց մենք կպայքարենք մինչեւ վերջին վայրկյանը

15:12   11 օգոստոսի, 2012

Երկրորդ անգամ անընդմեջ Օլիմպիական խաղերի եզրափակիչի ուղեգիր ձեռք բերելը հիանալի ցուցանիշ է, հայտարարել է բասկետբոլի Իսպանիայի հավաքականի խաղացող Պոու Գազոլը:

«Երկրորդ անգամ անընդմեջ Օլիմպիական խաղերի եզրափակիչի ուղեգիր ձեռք բերելը հիանալի ցուցանիշ է: Մենք դեռ ժամանակ ունենք նախապատրաստվելու համար, սակայն առջեւում ամենակարեւոր հանդիպումն է: Մենք չենք բավարարվի ձեռք բերածով: DreamTeam-ը հզոր մրցակից է, բայց մենք կպայքարենք մինչեւ վերջին վայրկյանը»,- Գազոլի խոսքը փոխանցում է ESPN-ը:

Հիշեցնենք, որ օգոստոսի 12-ին կայանալիք 30-րդ Օլիմպիական խաղերի եզրափակիչում իսպանացիների մրցակիցը կլինի ԱՄՆ-ի հավաքականը: Նույն օրը Ռուսաստանը եւ Արգենտինան կվիճարկեն բրոնզե մեդալը:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։