Հակոբ Ստեփանյանը կմենամարտի Արսեն Գալստյանի, Վլադիմիր Պուտինի եւ Ստիվեն Սիգալի ներկայությամբ

Խառը մենամարտերի Ռուսաստանի առաջին առաջնությունյան մեկնարկային փուլում քիկբոքսինգի աշխարհի առաջնության բրոնզե մեդալակիր Հակոբ Ստեփանյանի մրցակիցը կլինի Ահմեդ Ալիեւը, հաղորդում է sports.ru-ն:

Հիշեցնենք, որ օգոստոսի 11-ին Սոչիում կայանալիք խառը մենամարտերի Ռուսաստանի անդրանիկ առաջնություն պատվավոր հյուրերի թվում կլինեն Լոնդոնի Օլիմպիական խաղերի ոսկե մեդալակիր, 60 կգ քաշային ձյուդոիստ Արսեն Գալստյանը եւ ամերիկացի հայտնի դերասան Ստիվեն Սիգալը:

Սպասվում է, որ մրցաշարին ներկա կլինի նաեւ Ռուսաստանի նախագահ Վլադիմիր Պուտինը:

Խառը մենամարտերի Ռուսաստանի առաջնությանը կմասնակցեն 40 մարտիկներ: Ռուսաստանի թիմը կգլխավորի օլիմպիական չեմպիոն Ֆյոդոր Եմելյանենկոն: