Քոնոր Մաքգրեգորը չի բացառել վերադարձը բռնցքամարտ
22:10 2 հոկտեմբերի, 2018UFC-ի 2 քաշային կարգերում նախկին չեմպիոն, իռլանդացի մարտիկ Քոնոր Մաքգրեգորը չի բացառել, որ կարող է ռեւանշ մենամարտ անցկացնել պրոֆեսիոնալ բռնցքամարտի հինգ քաշային կարգերում աշխարհի 12-ակի չեմպիոն, ամերիկացի Ֆլոյդ Մեյվեզեր կրտսերի հետ:
«Ես դիտարկում եմ մի քանի տարբերակ: Իհարկե, այդ ցուցակում կա նաեւ բռնցքամարտը: Ինձ ուրախացնում են այդպիսի հնարավորությունները: Եթե Մեյվեզերը կատարի իր խոստումը եւ ունենա MMA-ում ինձ հետ մենամարտելու քաջություն, ապա տեսնենք, թե ինչ կստացվի: Ինչ վերաբերում է ինձ, ապա ես դարձյալ կցանկանայի մենամարտել նրա հետ բռնցքամարտի կանոններով: Ամեն բան քննարկվում է»,- Մաքգրեգորի խոսքը մեջբերում է Skysports.com-ը:
Հիշեցնենք, որ Քոնոր Մաքգրեգորը պատրաստվում է UFC-ի թեթեւ քաշային կարգում չեմպիոն, ռուսաստանցի Խաբիբ Նուրմագոմեդովի հետ մենամարտին, որը կկայանա հոկտեմբերին 6-ին Լաս Վեգասում:
Նախորդ տարվա օգոստոսին բռնցքամարտի կանոններով անցկացված մենամարտում Մեյվեզերը տեխնիկական նոկաուտով էր հաղթել Մաքգրեգորին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։