Հայտնի ամերիկյան հեռուստաշոուի ընթացքում ծաղրել են Սերենա Ուիլյամսին

17:52   1 հոկտեմբերի, 2018

Հայտնի ամերիկյան Saturday Night Live հեռուստաշոուի ընթացքում ծաղրել են աշխարհի նախկին առաջին ռակետ, ամերիկացի Սերենա Ուիլյամսին, որը ճապոնացի Նաոմի Օսակայի հետ US Open-ի եզրափակիչում բղավել էր կորտի մրցավարի վրա՝ նրան մեղադրելով սխալ որոշումների մեջ, հետագայում ներկայացրել էր նաեւ սեռական խտրականության վերաբերյալ մեղադրանք:

Եզրափակիչից հետո Սերենա Ուիլյամսը հայտարարել էր.

«Մրցավարին գող եմ համարում, քանի որ նա գողացավ իմ միավորը: Նա ինձ մեղադրեց խարդախության մեջ: Ես մարզիչիս հետ չէի խոսել: Ես տեսել եմ, թե ինչպես են տղամարդկանց մրցաշարերի ժամանակ թենիսիստները խոսում: Ես պայքարում եմ կանանց իրավունքների ու հավասարության համար: Այն, որ ես գող անվանեցի մրցավարին եւ նա միավոր հանեց ինձնից, դա նման է սեքսիզմի: Նա երբեք միավոր չի հանել տղամարդկանցից, երբ նրանք նույնն են ասել»:

Հիշեցնենք, որ եզրափակիչում 36-ամյա Սերենա Ուիլյամսը պարտվել էր 20-ամյա ճապոնացի Նաոմի Օսակային: Երկրորդ սեթում երեք զգուշացումից հետո Ուիլյամսը զրկվեց մեկ գեյմի միավորից:

Թենիսի միջազգային ֆեդերացիան պաշտոնական հայտարարությամբ անդրադարձել էր մրցավար Կարլոս Ռամոսի որոշումներին՝ նշելով, որ «Կարլոս Ռամոսն ամենափորձառու եւ հարգելի մրցավարներից մեկն է եւ նրա որոշումները ամբողջովին համապատասխանել են գործող կանոններին»: 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։