Բաթումիում շարունակվող Համաշխարհային շախմատային օլիմպիադայի 5-րդ տուրում Հայաստանի հավաքականը մրցում է Ադրբեջանի թիմի հետ: Առաջինը պայքարն ավարտեցին երրորդ համարներ Հրանտ Մելքումյանն (2660) ու Արկադի Նայդիչը (2721): Հայ գրոսմայստերը սպիտակներով հաղթանակ տարավ 41-րդ քայլում:
Մյուս պարտիաները շարունակվում են: Հայաստանի թիմի առաջին համար Լեւոն Արոնյանը սպիտակներով մրցում է Շաքրիյար Մամեդյարովի հետ, իսկ երկրորդ խաղատախտակի վրա հանդես եկող Գաբրիել Սարգսյանը սեւերով՝ Թեյմուր Ռադջաբովի հետ: Հայկ Մարտիրոսյանը սեւերով մրցում է Ռաուֆ Մամեդովի հետ:
Հայաստանի եւ Ադրբեջանի հավաքականները մեկնարկային 4 տուրերում տարել են 4-ական հաղթանակ: 8-ական թիմային միավոր ունեն եւս 7 թիմեր:
Հիշեցնենք, որ Օլիմպիադայում կանցկացվի 11 տուր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։