Խորեն Բայրամյան. Ունենք աշխատելու ու ավելացնելու տեղ
15:43 28 սեպտեմբերի, 2018Կազանի «Ռուբինի» կիսապաշտպան Խորեն Բայրամյանը մեկնաբանել է ֆուտբոլի Ռուսաստանի գավաթի խաղարկության 1/16 եզրափակիչում մերձմոսկովյան «Խիմկիի» նկատմամբ հաղթանակը նվազագույն հաշվով:
«Խիմկիի» դեմ խաղում էր մեր մեկնարկային կազմի 80 տոկոսը: Հեշտ չի լինի գավաթային խաղից հետո խաղալ առաջնությունում: Ստացվեց շատ բարդ հանդիպում: Երբ խաղում ես Առաջին լիգայի թիմի դեմ, մրցակցի տրամադրվածությունը լինում է առավելագույն: «Խիմկին» ցուցադրեց հրաշալի ֆուտբոլ: Պետք է հետեւություններ անենք: Ունենք աշխատելու ու ավելացնելու տեղ: Լավ է, որ հաղթեցինք:
Այժմ պետք է պատրաստվենք «Կռիլյա Սովետովի» դեմ խաղին, որը հեշտ չի լինելու: Առաջնությունում թույլ մրցակիցներ չեն լինում»,- Հայաստանի հավաքականի թեկնածուի խոսքը մեջբերում է iz.ru-ն:
Հիշեցնենք, որ այդ խաղում Խորեն Բայրամյանը «Ռուբինի» մեկնարկային կազմում հանդես էր եկել առանց փոխարինման եւ դեղին քարտ ստացել 39-րդ րոպեին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։