Հայաստանի հավաքականի գլխավոր մարզիչի թեկնածուն հյուրընկալվել է Rai2 ալիքին (ֆոտո)
11:33 28 սեպտեմբերի, 2018Ֆուտբոլի Հայաստանի ազգային հավաքականի գլխավոր մարզիչի թեկնածու Ջանի Դե Բիազին վերադարձել է Իտալիա եւ հյուրընկալվել Rai2 հեռուստաալիքին: Իտալացի մասնագետն ամփոփել է Իտալիայի առաջնության հերթական տուրը:
Հիշեցնենք, որ Ջանի Դե Բիազին վերջերս ժամանել էր Երեւան եւ բանակցել Հայաստանի ֆուտբոլի ֆեդերացիայի հետ: Ալբանիայի ազգային հավաքականի (2011-2017) նախկին գլխավոր մարզիչն այս տարի աշխատանք չի ունեցել: 2017 թվականին 62-ամյա մասնագետը հեռացվել է իսպանական «Ալավեսից»:
Դե Բիազիի ղեկավարությամբ Ալբանիայի հավաքականը նվաճել է Եվրո-2016-ի ուղեգիր: Տարբեր տարիների նա գլխավորել է իտալական «Մոդենան», «Բրեշիան», ՍՊԱԼ-ը, «Ուդինեզեն», «Տորինոն», իսպանական «Լեւանտեն»:
Հիշեցնենք, որ Հայաստանի հավաքականի գլխավոր մարզիչի պաշտոնը թափուր է Վարդան Մինասյանի հրաժարականից հետո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։