Համաշխարհային շախմատային օլիմպիադայի երրորդ տուրում Հայաստանի հավաքականն Արշակ Պետրոսյանի ղեկավարությամբ պարտության մատնեց Թուրքիայի թիմին՝ 2.5:1.5:
Հաղթական միավորը վաստակեց Հրանտ Մելքումյանը, որը երրորդ խաղատախտակին սպիտակներով 33 քայլում հաղթեց Էմրե Ջանին:
Առաջինը պարտիան ավարտել էին թիմերի առաջատարները: Լեւոն Արոնյանը (2780) սպիտակներով մրցեց Մուստաֆա Յիլմազի (2633) հետ եւ 31-րդ քայլում համաձայնեց ոչ ոքի արդյունքի:
Գաբրիել Սարգսյանը եւ Հայկ Մարտիրոսյանը խաղացին ոչ ոքի:
Հայաստանը տարավ երրորդ հաղթանակը եւ առաջատարների թվում է:
Կանանց հավաքականը եւս տարավ երրորդ հաղթանակը՝ 3.5:0.5 հաշվով պարտության մատնելով հույներին: Հաղթանակներ տարան Էլինա Դանիելյանը, Աննա Սարգսյանը եւ Մարիա Կուրսովան: Լիլիթ Մկրտչյանը պարտիան ավարտեց ոչ ոքի:
Լուսանկարում Հրանտ Մելքումյանն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։