Մխիթարյանը վերսկսել է մարզումները «Արսենալի» ընդհանուր խմբում (ֆոտո)

13:45   26 սեպտեմբերի, 2018

Հայաստանի հավաքականի եւ Լոնդոնի «Արսենալի» կիսապաշտպան Հենրիխ Մխիթարյանն ապաքինվել է ոտնաթաթի վնասվածքից եւ վերսկսել է մարզումները իսպանացի Ունաի Էմերիի գլխավորած թիմի ընդհանուր խմբում, գրում է Evening Standard-ը:

«Էվերտոնի» դեմ Անգլիայի առաջնության 6-րդ տուրի հանդիպումը բաց թողած 29-ամյա հայ ֆուտբոլիստը կարող է մասնակցել «Բրենտֆորդի» դեմ Անգլիական լիգայի գավաթի խաղարկության երրորդ շրջանի հանդիպմանը, որը տեղի կունենա սեպտեմբերի 26-ին:

Մխիթարյանը վնասվածք էր ստացել ուկրաինական «Վորսկլայի» դեմ Եվրոպայի լիգայի առաջին տուրի խաղում (4:2):

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։