Համաշխարհային շախմատային օլիմպիադայում տեղի է ունեցել երրորդ տուրի վիճակահանությունը: Հայաստանի հավաքականը կմրցի Թուրքիայի թիմի հետ: Երկու թիմերն էլ առաջին երկու տուրերում հաղթանակներ են տարել:
Կանանց Հայաստանի հավաքականի մրցակիցը կլինի Հունաստանի թիմը:
Տուրը կմեկնարկի Երեւանի ժամանակով 15:00-ին:
Հիշեցնենք, որ Արշակ Պետրոսյանի ղեկավարած թիմին երկրորդ տուրում հաղթանակ բերեց առաջատար Լեւոն Արոնյանի հաղթանակը, որն առաջին տուրին չէր մասնակցել: Հայկական շախմատի առաջատարը սպիտակներով պարտության մատնեց Ռինատ Ջումաբաեւին: Հրանտ Մելքումյանը, Ռոբերտ Հովհաննիսյանը եւ Հայկ Մարտիրոսյանը պարտիաներն ավարտեցին ոչ ոքի:
Երկրորդ հաղթանակն է տարել նաեւ կանանց Հայաստանի հավաքականը, որը 3:1 հաշվով պարտության է մատնել Ավստրիայի թիմին: Հաղթանակ են տարել Աննա Սարգսյանն ու Մարիա Կուրսովան: Լիլիթ Մկրտչյանն ու Սիրանուշ Ղուկասյանը խաղացել են ոչ ոքի:
Օլիմպիադայում կանցկացվի 11 տուր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։