Ծանրամարտի Ռուսաստանի թիմի առաջատարներ Չենն ու Բեջանյանը բաց կթողնեն ԱԱ-ն
17:43 25 սեպտեմբերի, 2018Ծանրամարտի Ռուսաստանի հավաքականի առաջատարներ Օլեգ Չենը եւ Դավիթ Բեջանյանը չեն մասնակցի աշխարհի առաջնությանը: Այդ մասին Մոսկավոյւմ տեղի ունեցած ասուլիսում հայտնել է Ռուսաստանի ծանրամարտի ֆեդերացիայի նախագահ Մաքսիմ Ագապիտովը:
«Վնասվածքների պատճառով երկու առաջատար մարզիկներ չեն մասնակցի աշխարհի առաջնությանը: Օլեգ Չենը վիրահատվել է եւ վերականգնողական փուլում է: Դավիթ Բեջանյանը ազդրի վնասվածք է ստացել Ռուսաստանի առաջնությունում»,- Ագապիտովի խոսքը մեջբերում է championat-ը:
Հակադոպինգային կանոնադրության բազմաթիվ խախտումների պատճառով Ռուսաստանի ծանրամարտի ֆեդերացիան 2017թ. սեպտեմբերից մեկ տարով որակազրկված էր:
Աշխարհի առաջնությունը տեղի կունենա նոյեմբերի 1-10-ը Թուրքմենստանի մայրաքաղաք Աշգաբադում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։