Ռամոս. Այնքան երջանիկ եմ Մոդրիչի համար, կարծես՝ ես եմ ստացել մրցանակը
12:18 25 սեպտեմբերի, 2018Մադրիդի «Ռեալի» ավագ Սերխիո Ռամոսը մեկնաբանել է ակումբակից Լուկա Մոդրիչի հաղթանակը ՖԻՖԱ-ի վարկածով, տարվա լավագույն ֆուտբոլիստի կոչման համար պայքարում:
«Այնքան երջանիկ եմ Մոդրիչի համար, կարծես՝ ես եմ ստացել մրցանակը: Նա արժանի է այդ մրցանակին: Մոդրիչը գերազանց ֆուտբոլիստ է եւ կարեւոր դարաշրջան է մարմնավորում «Ռեալում»: Լավ կլիներ, եթե այս արարողությանը ներկա լինեին նաեւ Ռոնալդուն եւ Մեսին»,- Ռամոսի խոսքը մեջբերում է Goal.com-ը:
Մրցանակին հավակնում էին նաեւ անգլիական «Լիվերպուլի» եգիպտացի հարձակվող Մոհամեդ Սալահը եւ Թուրինի «Յուվենտուսի» պորտուգալացի հարձակվող Կրիշտիանու Ռոնալդուն:
33-ամյա Մոդրիչն այս տարի «Ռեալի» հետ դարձել է Չեմպիոնների լիգայի գավաթակիր, Խորվաթիայի հավաքականի հետ՝ աշխարհի փոխչեմպիոն: Նա ճանաչվել էր նաեւ ՈւԵՖԱ-ի վարկածով, անցած մրցաշրջանի լավագույն ֆուտբոլիստ, Չեմպիոնների լիգայի լավագույն կիսապաշտպան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։