Դավոր Շուկեր. Մեսիի եւ Ռոնալդուի դարաշրջանի ավարտը դրական է ֆուտբոլի համար
10:57 25 սեպտեմբերի, 20181998թ. աշխարհի առաջնության բրոնզե մեդալակիր, Խորվաթիայի ֆուտբոլային միության նախագահ Դավոր Շուկերը դրական է գնահատել աշխարհի լավագույն ֆուտբոլիստի մրցանակը «Բարսելոնայի» արգենտինացի հարձակվող Լիոնել Մեսիին կամ Թուրինի «Յուվենտուսի» պորտուգալացի հարձակվող Կրիշտիանու Ռոնալդուին չհանձնելը: Մեկ տասնամյակ անց Մեսիից եւ Ռոնալդուից հետո, ՖԻՖԱ-ի վարկածով աշխարհի լավագույն ֆուտբոլիստ ճանաչվեց Չեմպիոնների լիգայի գավաթակիր Մադրիդի «Ռեալի» եւ աշխարհի փոխչեմպիոն Խորվաթիայի հավաքականի կիսապաշտպան Լուկա Մոդրիչը:
«Կյանքը միայն հաղթանակների ուղին չէ: Պարտվելուց պետք է հարգանք դրսեւորել հաղթողների նկատմամբ: Մոդրիչի հաղթանակն ու Ռոնալդուի եւ Մեսիի դարաշրջանի ավարտը դրական է ֆուտբոլի համար եւ խորվաթ ֆուտբոլիստների համար: Մոդրիչն այս տարի իր ցույց տված խաղով եւ կատարած աշխատանքով արժանի էր այս մրցանակին»,- Շուկերի խոսքը մեջբերում է Mundo Deportivo-ն:
Մրցանակին հավակնում էին նաեւ անգլիական «Լիվերպուլի» եգիպտացի հարձակվող Մոհամեդ Սալահը եւ Թուրինի «Յուվենտուսի» պորտուգալացի հարձակվող Կրիշտիանու Ռոնալդուն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։