Համաշխարհային օլիմպիադա. Հայաստանը մեկնարկեց վստահ հաղթանակով
20:11 24 սեպտեմբերի, 2018Շախմատի Հայաստանի հավաքականը Արշակ Պետրոսյանի ղեկավարությամբ վստահ հաղթանակով մեկնարկեց Բաթումում սկսված Համաշխարհային օլիմպիադայում: Առաջին տուրում Հայաստանի թիմը Գաբրիել Սարգսյան, Հրանտ Մելքումյան, Ռոբերտ Հովհաննիսյան, Հայկ Մարտիրոսյան կազմով հաղթել է Ճապոնիայի թիմին՝ 3.5:0.5: Առաջին համար Լեւոն Արոնյանին տրվել էր հանգստի հնարավորություն:
Գաբրիել Սարգսյանը սեւերով խաղացել է ոչ ոքի, Ռոբերտ Հովհաննիսյանը դարձյալ սեւերով հաղթանակ է տարել: Մեկական միավոր են վաստակել նաեւ սպիտակներով հանդես եկած Հայկ Մարտիրոսյանը եւ Հրանտ Մելքումյանը:
Կանանց Հայաստանի հավաքականը առավելության է հասել Ղրղզստանի թիմի նկատմամբ՝ 3.5:0.5: Էլինա Դանիելյանը հաղթել է սպիտակներով, Աննա Սարգսյանն ու Սիրանուշ Ղուկասյանը՝ սեւերով: Մարիա Կուրսովան պարտիան ավարտել է ոչ ոքի:
Համաշխարհային օլիմպիադայում կանցկացվի 11 տուր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։