Լեմպարդ. Անհամբեր սպասում եմ Մոուրինյոյի դեմ վաղվա խաղին
13:45 24 սեպտեմբերի, 2018Անգլիական լիգայի գավաթի խաղարկության երրորդ շրջանում Ֆրենկ Լեմպարդի գլխավորած «Դերբի Քաունթին» կմրցի «Մանչեսթեր Յունայթեդի» հետ:
«Անհամբեր սպասում եմ Մոուրինյոյի դեմ վաղվա խաղին: Նա հսկայական ազդեցություն է ունեցել իմ պրոֆեսիոնալ կարիերայի վրա: Այսօր մենք զրուցել ենք, նա շնորհավորեց ինձ երեխա ունենալու կապակցությամբ: Կարճ, բայց ընտանեկան զրույց էր: Ես շատ բան եմ սովորել Ժոզեից եւ գնահատում եմ դա:
Մեզ սպասվում է հանդիպում հրաշալի «Մանչեսթեր Յունայթեդի» հետ: Շատ ծանր կլինի, բայց մենք չենք հանձնվի: Պետք է այնպես խաղանք, որ ֆանատները հպարտանան»,- 40-ամյա Լեմպարդի խոսքը մեջբերում է ESPN-ը:
«Չելսիի» նախկին ֆուտբոլիստն այս տարվա մայիսին է երեք տարվա պայմանագիր կնքել «Դերբի Քաունթիի» հետ, որը հանդես է Չեմպիոնշիփում:
«Մանչեսթեր Յունայթեդ» - «Դերբի Քաունթի» հանդիպումը տեղի կունենա սեպտեմբերի 25-ին եւ կմեկնարկի Երեւանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։