Մեսին ու Ռոնալդուն չեն մասնակցի The Best FIFA Football Awards-ին
14:42 24 սեպտեմբերի, 2018«Բարսելոնայի» արգենտինացի հարձակվող Լիոնել Մեսին եւ Թուրինի «Յուվենտուսի» պորտուգալացի հարձակվող Կրիշտիանու Ռոնալդուն չեն մասնակցի The Best FIFA Football Awards-ին, հաղորդում է Mundo Deportivo-ն: ՖԻՖԱ-ի վարկածով տարվա լավագույն ֆուտբոլիստի մրցանակաբաշխությունը տեղի կունենա սեպտեմբերի 24-ին Լոնդոնում:
Մեսին ընդգրկված չէ հավակնորդների եզրափակիչ եռյակում, սակայն նշվում է, որ նա անձնական պատճառներով չի մեկնելու Լոնդոն: Ռոնալդուն թեկնածուների թվում է, սակայն «Յուվենտուսի» խիտ օրացույցի պատճառով մի մեկնի Անգլիա: Սեպտեմբերի 26-ին «Յուվենտուսը» Իտալիայի առաջնության 6-րդ տուրի խաղում կմրցի «Բոլոնիայի» հետ:
Հիշեցնենք, որ Ռոնալդուի հետ աշխարհի լավագույն ֆուտբոլիստի կոչմանը հավակնում են նաեւ Մադրիդի «Ռեալի» խորվաթ կիսապաշտպան Լուկա Մոդրիչը եւ անգլիական «Լիվերպուլի» եգիպտացի հարձակվող Մոհամեդ Սալահը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։