Բունդեսլիգա-2. Սարգիս Ադամյանը՝ հանդիպման լավագույն խաղացող
21:22 23 սեպտեմբերի, 2018Whoscored.com-ը ներկայացրել է գերմանական «Յան Ռեգենսբուրգի» եւ Հայաստանի հավաքականի հարձակվող Սարգիս Ադամյանի վիճակագրությունը «Համբուրգի» դեմ երկրորդ Բունդեսլիգայի առաջնության 6-րդ տուրում:
Ադամյանը 8 հարված է կատարել դարպասին՝ խփելով 3 գոլ: Հայ ֆուտբոլիստի 16 փոխանցումից 31.3 տոկոսն է հասել թիմակիցներին: 25-ամյա հարձակվողը 2 անգամ շրջանցել է մրցակիցներին, 2 անգամ հաղթող է դուրս եկել օդային պայքարում, 5 անգամ խլել է գնդակը, 1 անգամ կասեցրել է մրցակցի գրոհը:
Ադամյանը կանոնները խախտել է 2 անգամ, ստացել է դեղին քարտ: Նրա դեմ կանոնների խախտում չի եղել:
Ադամյանը ստացել է առավելագույն գնահատական՝ 10, եւ ճանաչվել է հանդիպման լավագույն խաղացող:
Հիշեցնենք, որ «Յան Ռեգենսբուրգը» հաղթել է 5:0 հաշվով, իսկ ամբողջ հանդիպումն անցկացրած Սարգիս Ադամյանը դարձել է հեթ-տրիկի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։