Պերես. «Ռեալը» հրաժարվում է խաղալ ԱՄՆ-ում
17:21 23 սեպտեմբերի, 2018Մադրիդի «Ռեալի» նախագահ Ֆլորենտինո Պերեսը դեմ է արտահայտվել Իսպանիայի առաջնության հանդիպումներից մի քանիսը ԱՄՆ-ում եւ Կանադայում անցկացնելու նախաձեռնությանը:
«Մենք չենք պատրաստվում պաշտոնական խաղ անցկացնել ԱՄՆ-ում: Չգիտեմ, թե ում շահերից է բխում ԱՄՆ-ում հանդիպում կազմակերպելը, բայց հաստատապես դա ակումբի կամ երկրպագուների շահերից չէ: Բացառվում է, որ «Ռեալը» մասնակցի այդպիսի նախաձեռնության»,- Պերեսի խոսքը մեջբերում է Mundo Deportivo-ն:
Իսպանական Լա Լիգան առանց ակումբների եւ ֆեդերացիայի հետ պայմանավորվելու համաձայնության է հասել Relevant ընկերության հետ ԱՄՆ-ում եւ Կանադայում առաջիկա տարիներին պարբերաբար Իսպանիայի առաջնության հանդիպումներ անցկացնելու հարցով: Դրանից հետո Պրիմերայի 20 թիմերի ավագները դեմ հանդես եկան նախաձեռնությանը: Իսպանիայի ֆուտբոլի ֆեդերացիան, ՈւԵՖԱ-ն, ՖԻՖԱ-ն եւ Իսպանիայի կառավարությունը եւս բացասական են արտահայտվել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։