Գվարդիոլա. Ագուերոն «Մանչեսթեր Սիթիի» իսկական լեգենդ է
16:29 23 սեպտեմբերի, 2018Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հիացմունքով է խոսել թիմի արգենտինացի հարձակվող Սերխիո Ագուերոյի հետ, որը երկարաձգել է պայմանագիրը ակումբի հետ մինչեւ 2021 թվականը:
«Ագուերոն ակումբի իսկական լեգենդ է: Նա շատ բան է արել «Մանչեսթեր Սիթիի» համար: Հույս ունենք, որ նա դեռ երկար տարիներ կլինի թիմի հետ:
Մրցաշրջանում մեր մեկնարկին գնահատական տալն էական չէ, քանի որ դեռ շատ հանդիպումներ կան: Մենք կվերադառնանք անցած մրցաշրջանի մեր մակարդակին»,- Գվարդիոլայի խոսքը մեջբերում է BBC-ն:
Ագուերոն «Մանչեսթեր Սիթի» է տեղափոխվել 2011 թվականին Մադրիդի «Աթլետիկոյից»: Անգլիական ակումբում անցկացրած 299 խաղում նա խփել է 204 գոլ եւ մանչեսթերյան թիմի պատմության մեջ լավագույն ռմբարկուն է: Ագուերոն «Մանչեսթեր Սիթիի» հետ դարձել է Անգլիայի եռակի չեմպոն, կրկնակի գավաթակիր, Անգլիական լիգայի եռակի գավաթակիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։