Արթուր Վանեցյան. Վարդան Մինասյանի հրաժարականն անսպասելի էր (ֆոտո)
14:22 22 սեպտեմբերի, 2018Հայաստանի ֆուտբոլի ֆեդերացիայի նախագահ Արթուր Վանեցյանը մեկնաբանել է Հայաստանի ազգային հավաքականի գլխավոր մարզիչ Վարդան Մինասյանի հրաժարականը։
«Վարդան Մինասյանի հրաժարականն անսպասելի էր։ Հիմա շատ ակտիվ պետք է աշխատենք նոր մարզիչի նշանակման ուղղությամբ։ Կան մի քանի թեկնածուներ Հայաստանից եւ դրսից։ Նրանց անունները չեմ կարող նշել։ Առաջիկա օրերին կներկայացվի։
Ես որեւէ կերպ չեմ միջամտելու ազգային հավաքականի կազմի ձեւավորմանը։ Գլխավոր մարզիչն ու մարզչական շտաբն է որոշելու։
Ազգային հավաքականի հանդիպումների տոմսերի գինը կնվազի։ Ամենաէժանը հիմա 4 հազար է, կդառնա հազար դրամ»,– ասել է Արթուր Վանեցյանը։
Հիշեցնենք, որ Արթուր Վանեցյանը ՀՖՖ ժողովում միաձայն ընտրվել է կազմակերպության նախագահ՝ փոխարինելով 16 տարի պաշտոնավարած Ռուբեն Հայրապետյանին։
Ֆոտո՝ Արսեն Սարգսյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։