ԱԱԾ տնօրեն Արթուր Վանեցյանը միաձայն ընտրվեց ՀՖՖ նախագահ (ֆոտո, ուղիղ)
14:07 22 սեպտեմբերի, 2018Հայաստանի Ազգային անվտանգության ծառայության պետ Արթուր Վանեցյանը ընտրվեց Հայաստանի ֆուտբոլի ֆեդերացիայի նախագահ: ՀՖՖ արտահերթ ժողովի (ուղիղ) մասնակից բոլոր պատվիրակները միաձայն քվեարկեցին Արթուր Վանեցյանի օգտին:
ՀՖՖ նոր նախագահի ընտրությանը ներկա չէր ՀՖՖ արդեն նախկին նախագահ Ռուբեն Հայրապետյանը:
Հիշեցնենք, որ Ռուբեն Հայրապետյանը Հայաստանի ֆուտբոլի ֆեդերացիան նախագահել է 2002 թվականից: 16 տարիների ընթացքում ֆուտբոլի ազգային հավաքականի երկրպագուները, ֆուտբոլային տարբեր մասնագետներ պարբերաբար պահանջել են Ռուբեն Հայրապետյանի հրաժարականը: ՀՖՖ նախկին նախագահը ժամանակ առ ժամանակ խոստացել է հրաժարվել ֆեդերացիայի նախագահի պաշտոնից տարբեր պայմաններով՝ ազգային հավաքականի Եվրոպայի եւ աշխարհի առաջնության ընտրական փուլերում ձախողվելու դեպքում, բայց այդպես էլ չի լքել պաշտոնը, պատճառաբանելով, որ իրենից բացի դեռեւս չի տեսնում մեկ այլ թեկնածու նախագահի պաշտոնում:
Ռուբեն Հայրապետյանը ՀՖՖ 16-րդ համագումարում լրագրողներին ասել էր, որ եթե ԱԱԾ պետ Արթուր Վանեցյանը դնի իր թեկնածությունը ֆեդերացիայի նախագահի պաշտոնում, ապա ինքը չի առաջադրվի: Արթուր Վանեցյանը ՀՖՖ նախագահի պաշտոնում միակ առաջադրված թեկնածուն էր։
Լուսինե Շահբազյան
Ֆոտո՝ Արսեն Սարգսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.