Լուկա Մոդրիչ. ԱԱ–ից հետո հոգնած էի, բայց աստիճանաբար ինձ ավելի լավ եմ զգում

17:20   20 սեպտեմբերի, 2018

Ես շատ գոհ եմ մեր թիմային աշխատանքից եւ հաղթանակից, ասել է Մադրիդի «Ռեալի» եւ աշխարհի փոխչեմպիոն Խորվաթիայի հավաքականի կիսապաշտպան Լուկա Մոդրիչը՝ մեկնաբանելով հաղթանակն իտալական «Ռոմայի» նկատմամբ Չեմպիոնների լիգայի խմբային մրցաշարի առաջին տուրում։

«Շատ գոլային պահեր ստեղծեցինք եւ կարող էինք հաղթել ավելի մեծ առավելությամբ։ Աշխարհի առաջնությունից հետո ֆիզիկապես եւ հոգեբանորեն հոգնածեի, բայց հիմա աստիճանաբար ինձ ավելի լավ եմ զգում։ Հույս ունեմ, որ կշարունակեմ խաղալ այնպես, ինչպես «Ռոմայի» դեմ։

Հպարտ եմ, որ երկրպագուներն ու հայրենակիցներս քվեարկել են իմ օգտին, բայց ես քիչ եմ մտածում «Ոսկե գնդակի» մասին։ Եթե ստանամ այդ մրցանակը, կլինեմ երջանիկ, բայց չստանալու դեպքում էլ շատ չեմ տխրի, կյանքը դրանով չի ավարտվում։ Գլխավորը իմ թիմն է»,– Մոդրիչի խոսքը մեջբերում է Marca–ն։

Հիշեցնենք, որ «Ռեալը» «Ռոմային» հաղթել է 3։0 հաշվով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։