Անգլիական «Լիվերպուլի» եգիպտացի հարձակվող Մոհամեդ Սալահը վստահ է գերմանացի Յուրգեն Կլոպի գլխավորած թիմը կկարողանա այս մրցաշրջանում նվաճել Չեմպիոնների լիգայի գավաթը:
«Մենք արդեն խաղացել ենք թիմերի դեմ, որոնք նվաճել են Չեմպիոնների լիգայի գավաթը, բայց մենք կարողացանք հասնել եզրափակիչ: Իհարկե, մենք կարող ենք նվաճել այս տիտղոսը: Մենք կարող ենք դառնալ նաեւ Անգլիայի չեմպիոն: Չեմ ցանկանում այս խոսքերով ճնշում գործադրել թիմի վրա, բայց ամեն ինչ հնարավոր է, վստահ եմ»,- Սալահի խոսքը մեջբերում է ՈւԵՖԱ-ի մամուլի ծառայությունը:
Չեմպիոնների լիգայի խմբային մրցաշարի առաջին տուրում «Լիվերպուլը» սեպտեմբերի 18-ին կընդունի ֆրանսիական ՊՍԺ-ին:
Չեմպիոնների լիգայի անցած մրցաշրջանում անգլիական թիմը եզրափակիչում պարտվեց Մադրիդի «Ռեալին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։