Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան համարում է, որ անգլիական Պրեմյեր լիգան գերագնահատված է:
«Պրեմյեր լիգան այնքան ուժեղ չէ, որքան ներկայացվում է: Վաճառքի եւ հեռարձակումների շնորհիվ Պրեմյեր լիգան ավելի լավն է երեւում, քան իրականում կա:
Բրիտանական մամուլը չեմ համարում չափազանց կոշտ եւ անհանդուրժող: Երկար ժամանակ ապրել եմ Բարսելոնայում, եւ Բրիտանիայում ամեն ինչ ավելի մեղմ է»,- Գվարդիոլայի խոսքը մեջբերում է Goal.com-ը:
Մարզիչը նաեւ հայտարարել է, որ թիմի բելգիացի կիսապաշտպան Կեւին Դե Բրույնեն չի վաճառվում՝ հիշեցնելով, որ նրա պայմանագրով տրանսֆերային գինը 250 միլիոն եվրո է:
«Դե Բրույնեն անհավանական խաղացող է: Շատ դինամիկ եւ ուժեղ ֆուտբոլիստ է: Ամեն ինչ ինքն է անում»,- ասել է Գվարդիոլան:
Հիշեցնենք, որ 26-ամյա Դե Բրույնեն օգոստոսին մարզման ժամանակ ստացած վնասվածքի պատճառով բաց կթողնի մոտ երեք ամիս:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։