Ազգերի լիգա. Իսպանիան ընդհատեց Անգլիայի անպարտելի շարքն «Ուեմբլիում», օրվա արդյունքները (տեսանյութ)

ՈւԵՖԱ-ի Ազգերի լիգայում սեպտեմբերի 8-ին անցկացվեցին առաջին տուրի վերջին՝ երրորդ խաղային օրվա հանդիպումները:

A դիվիզիոնի կենտրոնական խաղում Անգլիայի հավաքականը տանը 1:2 հաշվով պարտվեց իսպանացիներին, որոնք տարան կամային հաղթանակ: Լոնդոնի «Ուեմբլի» ստադիոնում կայացած խաղի բոլոր գոլերը գրանցվեցին առաջին խաղակեսում (տեսանյութ):

Հանդիպումից առաջ Անգլիայի հավաքականի եւ Լոնդոնի «Տոտենհեմի» հարձակվող Հարի Քեյնը ստացել է Ռուսաստանում անցկացված աշխարհի առաջնության լավագույն ռմբարկուի մրցանակը: Քեյնին մրցանակը հանձնել է Անգլիայի հավաքականի գլխավոր մարզիչ Գարեթ Սաութգեյթը:

Opta-ի համաձայն՝ Անգլիայի հավաքականը «Ուեմբլի» ստադիոնում նախորդ անգամ պաշտոնական խաղում պարտվել էր 2007 թվականին: Եվրո-2008-ի ընտրական փուլում անգլիացիները 2:3 հաշվով պարտվել էին Խորվաթիայի հավաքականին: «Ուեմբլիում» Անգլիայի հավաքականի անպարտելի շարքը չշարունակվեց 25-րդ խաղում:

Ազգերի լիգա, առաջին տուր

A դիվիզիոն

Չորրորդ խումբ

Անգլիա – Իսպանիա՝ 1:2

Մարկուս Ռեշֆորդ, 11 – Սաուլ, 13, Ռոդրիգո, 32

Երկրորդ խումբ

Շվեյցարիա – Իսլանդիա՝ 6:0 (տեսանյութ)

Ստիվեն Ցուբեր, 13, Դենիս Զակարիա, 23, Ջերդան Շաքիրի, 53, Հարիս Սեֆերովիչ, 67, Ալբիան Յետի, 71, Ադմիր Մեհմեդի, 82

B դիվիզիոն

Երրորդ խումբ

Հյուսիսային Իռլանդիա – Բոսնիա-Հերցեգովինա՝ 1:2 (տեսանյութ)

Ուիլ Գրիգ, 90+3 – Հարիս Դուլեւիչ, 36, Էլվիս Շարիչ, 64

C դիվիզիոն

Երկրորդ խումբ

Ֆինլանդիա – Հունգարիա՝ 1:0 (տեսանյութ)

Տյեմու Պուկի, 7

Էստոնիա – Հունաստան՝ 0:1 (տեսանյութ)

Կոստանտինոս Ֆորտունիս, 14

D դիվիզիոն

Երկրորդ խումբ

Բելառուս – Սան Մարինո՝ 5:0 (տեսանյութ)

Իգոր Ստասեւիչ, 4, Ստանիսլավ Դրագուն, 26, 87, Անտոն Սարոկա, 67 (11մ), Յուրի Կովալեւ, 90+1

Լյուքսեմբուրգ – Մոլդովա՝ 4:0 (տեսանյութ)

Կեւին Մագլետ, 32, Օլիվեր Թիլ, 60, Դանել Սինանի, 75, Քրիստոֆեր Մարտինս, 83