Լոնդոն-2012. Օբաման շնորհավորել է ամերիկուհի ֆուտբոլիստներին

ԱՄՆ-ի նախագահ Բարակ Օբաման շնորհավորել է Լոնդոնի Օլիմպիական խաղերում ոսկե մեդալ նվաճած ֆուտբոլի կանանց ԱՄՆ-ի հավաքականի խաղացողներին:  

«Մենք շնորհավորում են ֆուտբոլի կանանց ԱՄՆ-ի հավաքականին, որը կարողացավ պատասխանել ճապոնացի ֆուտբոլիստուհիներին աշխարհի առաջնությունում կրած պարտության համար»,- Օբամայի խոսքը փոխանցում է ВВС-ն:

Հիշեցնենք, որ 30-րդ Օլիմպիական խաղերի եզրափակիչում ամերիկուհիները 2:1 հաշվով հաղթեցին Ճապոնիայի թիմին՝ պահպանելով օլիմպիական չեմպիոնի տիտղոսը: Բրոնզե մեդալը նվաճեցին կանադուհիները, որոնք երրորդ տեղի համար խաղում նվազագույն հաշվով պարտության մատնեցին Ֆրանսիայի հավաքականին: