Հայաստանի թիմի նորեկ Անդրե Կալիսիր. Տղաներն իրոք շատ լավն են, միշտ իրար օգնում են
21:05 3 սեպտեմբերի, 2018Շվեդական «Գյոտեբորգի» եւ Հայաստանի ազգային հավաքականի պաշտպան Անդրե Կալիսիրն առաջին անգամ է այցելել Երեւան: Նա Վարդան Մինասյանի գլխավորած թիմի կազմում պատրաստվում է սեպտեմբերի 6-ին Երեւանում կայանալիք Ազգերի լիգայի մեկնարկային խաղին Լիխտենշտեյնի հավաքականի դեմ:
«Շատ ուրախ եմ գտնվել Հայաստանում, հրավիրվել ազգային հավաքական: Ամեն ինչ այստեղ շատ լավ է, պրոֆեսիոնալ: Իմ առաջին խաղն է լինելու ազգային հավաքականում: Թույլ թիմի դեմ չենք խաղալու, բայց թիմում բոլորս լավ հասկանում ենք, որ սա այն խաղն է, որը մենք պետք է հաղթեն, չպետք է թույլ տանք, որ Լիխտենշտեյնը մեզ հաղթի: Ամեն ինչ շատ լավ է լինելու:
Այսօր մարզում ունեցանք եւ ինձ շատ դուր եկավ թիմում առկա մթնոլորտը, տղաները իրոք շատ լավն են, նրանք պարբերաբար միմյանց կողքին են, օգնում, աջակցում մարզման ժամանակ: Հրաշալի տրամադրություն է խաղից առաջ»,- ասել է Անդրե Կալիսիրը:
Հիշեցնենք, որ Կալիսիրն առաջին անգամ Հայաստանի հավաքականին միացել էր մայիսին Ավստրիայում եւ նորամուտը նշել Մալթայի հետ ընկերական խաղում (1:1):
Լուսինե Շահբազյան
Ֆոտո՝ Էմմա Ասատրյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.