Լոնդոն-2012. Ամերիկացի աթլետը փոխանցումավազքի վերջին 200 մետրն անցել է ոտքի կոտրվածքով

09:06   10 օգոստոսի, 2012

Լոնդոնի Օլիմպիական խաղերին մասնակցող ամերիկացի աթլետ Մանտեո Միտչելն ավարտին է հասցրել ելույթը` չնայած նրան, որ մրցման ժամանակ լուրջ վնասվածք է ստացել:

4х400 մետր փոխանցումավազքի որակավորման մրցումներում 25-ամյա ամերիկացին կոտրել է ձախ ոտքի փոքր սրունքոսկրը, սակայն նա անցել է վերջին 200 մետրը՝ իր թիմին դուրս բերելով եզրափակիչ:

Վազքի ժամանակ Միտչելը չի նկատել վնասվածքը, միայն սուր ցավ է զգացել, հաղորդում է USA Today-ը:

Հիշեցնենք, որ որակավորման փուլում ամերիկացիները 2 րոպե 58,87 վայրկյան արդյունքով գրավեցին երկրորդ տեղը եւ դուրս եկան եզրափակիչ, որը կկայանա օգոստոսի 10-ին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։