US Open. Սերենա Ուիլյամսը՝ ավագ քրոջը հաղթելու մասին

15:26   1 սեպտեմբերի, 2018

Աշխարհի 26-րդ ռակետ Սերենա Ուիլյամսը մեկնաբանել է հաղթանակը Վինուս Ուիլյամսի նկատմամբ թենիսի ԱՄՆ-ի բաց առաջնության երրորդ շրջանում:

«Այդպիսի մրցախաղերն ավելի շատ հոգեբանական ուժեր են խլում, քան ֆիզիկական: Բարդ է, բայց մենք այս ճանապարհորդությունը սկսել ենք 35 տարի առաջ, թեեւ ինչ-որ իմաստով այն սկսվել է դեռ մեր ծնվելուց առաջ: Հիմա մենք արդեն գիտենք, թե ինչ կարելի է սպասել մեր դիմակայությունից: Մենք անում ենք այն, ինչ կարողանում ենք: Հնարավոր է, որ սա իմ լավագույն մրցախաղն էր ավագ քրոջս դեմ»,- Սերենա Ուիլյամսի խոսքը մեջբերում է մրցաշարի մամուլի ծառայությունը:

Սերենա Ուիլյամսը հաղթել է 6:1, 6:2 հաշվով: 1/8 եզրափակիչում նրա մրցակիցը կլինի Էստոնիայի ներկայացուցիչ Կայա Կանեպին, որն առաջին շրջանում հաղթել էր աշխարհի առաջին ռակետ, ռումինացի Սիմոնա Հալեպին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։