Մոդրիչը՝ Չեմպիոնների լիգայի լավագույն խաղացող

21:32   30 օգոստոսի, 2018

Չեմպիոնների լիգայի անցած մրցաշրջանի լավագույն խաղացող է ճանաչվել խորվաթ կիսապաշտպան Լուկա Մոդրիչը, որը Մադրիդի «Ռեալի» հետ երրորդ անգամ նվաճել էր մրցաշարի հաղթողի կոչումը: Եզրափակիչում Արքայական թիմը 3:1 հաշվով հաղթել էր անգլիական «Լիվերպուլին»:

Լավագույն խաղացողի մրցանակին հավակնում էին նաեւ «Ռեալից» «Յուվենտուս» տեղափոխված պորտուգալացի հարձակվող Կրիշտիանու Ռոնալդուն եւ «Լիվերպուլի» եգիպտացի խաղացող Մոհամեդ Սալահը:

Մոդրիչն արժանացել էր նաեւ Չեմպիոնների լիգայի լավագույն կիսապաշտպանի մրցանակին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։