Մոնակոյում մեկնարկելիք Չեմպիոնների լիգայի խմբային մրցաշարի վիճակահանության արարողությունից առաջ տեղի է ունենում անցած մրցաշրջանի լավագույնների պարգեւատրությունը:
Լավագույն հարձակվող է ճանաչվել պորտուգալացի Կրիշտիանու Ռոնալդուն, որը Չեմպիոնների լիգայի գավաթակիր «Ռեալից» տեղափոխվել է Թուրինի «Յուվենտուս»:
Լավագույն հարձակվողի կոչման թեկնածուներ էին նաեւ «Լիվերպուլի» եգիպտացի խաղացող Մոհամեդ Սալահը եւ արգենտինացի Լիոնել Մեսին «Բարսելոնայից»:
Լավագույն կիսապաշտպանի մրցանակին արժանացել է խորվաթ Լուկա Մոդրիչը Արքայական ակումբից:
Մրցանակին հավակնում էին նաեւ գերմանացի Տոնի Կրոսը «Ռեալից» եւ բելգիացի Կեւին Դե Բրույնեն «Մանչեսթեր Սիթիից»:
Լավագույն դարպասապահ է ճանաչվել Չեմպիոնների լիգայի գավաթակիր Մադրիդի «Ռեալի» ներկայացուցիչ, կոստառիկացի Կեյլոր Նավասը:
Մրցանակին հավակնում էին նաեւ իտալացի Ջանլուիջի Բուֆոնը, որը «Յուվենտուսից» տեղափոխվել է ՊՍԺ եւ բրազիլացի Ալիսոն Բեքերը, որը «Ռոմայից» տեղափոխվել է «Լիվերպուլ»:
Արքայական կումբի ավագ Սերխիո Ռամոսը ստացել է լավագույն պաշտպանի մրցանակը:
Լավագույն պաշտպանի կոչմանը հավակնում էին նաեւ «Ռեալի» խաղացողներ, բրազիլացի Մարսելոն եւ ֆրանսիացի Ռաֆայել Վարանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։