Ֆորմուլա-1-ի Բելգիայի Մեծ մրցանակի հաղթողի կոչումը նվաճեց «Ֆերարիի» գերմանացի արշավորդ Սեբաստիան Ֆետելը:
«Մերսեդեսի» բրիտանացի ավտոարշավորդ Լյուիս Հեմիլթոնը գրավեց երկրորդ տեղը, իսկ լավագույն եռյակը եզրափակեց «Ռեդ Բուլի» ներկայացուցիչ Մաքս Ֆերստապենը:
Առաջին շրջանի ընթացքում տեղի է ունեցել մեծ բախում, որին մասնակից են դարձել Ֆերնանդո Ալոնսոն («Մաքլարեն»), Նիկո Հյուլկենբերգը («Ռենո»), Շարլ Լակլերը («Զաուբեր») եւ Դանիել Ռիկյարդոն («Ռեդ Բուլ»): Մարզիկներից ոչ մեկ չի տուժել:
Բելգիայի Մեծ մրցանակից հետո Լյուիս Հեմիլթոնը 231 միավորով պահպանեց ընդհանուր հաշվարկի առաջատարի դիրքը: Երկրորդ տեղում գտնվող Սեբաստիան Ֆետելն ունի 214 միավոր, իսկ «Ֆերարիի» երկրորդ համար Կիմի Ռայկոնենը 146 միավորով երրորդն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։