Հայաստանի ներկայացուցիչներ Բենիկ Նիկողոսյանն ու Ռաֆայել Հովհաննիսյանը նվաճել են Հունգարիայի մայրաքաղաք Բուդապեշտում շարունակվող բռնցքամարտի աշխարհի երիտասարդական առաջնության քառորդ եզրափակիչի ուղեգիր:
64 կգ քաշային Բենիկ Նիկողոսյանն օգոստոսի 24-ին ուժեղ է գտնվել իրանցի Բիկդար Աբդուլհակիմիից, իսկ 75 կգ քաշային Ռաֆայել Հովհաննիսյանը հաղթել է Մավրիտանին ներկայացնող Անտալիկա Էմանուելին:
Օգոստոսի 24-ին քառորդ եզրափակիչ էր դուրս եկել նաեւ 56 կգ քաշային Ռաֆայել Հակոբյանը, որը երկրորդ մենամարտում հաղթել էր վրացի Գիա Տոտլաձեին:
Հաջորդ մենամարտում հաղթելու դեպքում Հայաստանի ներկայացուցիչները կապահովեն առնվազն բրոնզե մեդալ:
Հայաստանը երիտասարդական հավաքականի կազմում Բուդապեշտ էին մեկնել նաեւ 49 կգ քաշային Սեյրան Եղիկյանը ու 52 կգ քաշային Արթուր Բազեյանը, որոնք մեկնարկել էին պարտությամբ եւ լքել պայքարը:
Հիշեցնենք, որ պատմության մեջ առաջին անգամ Հայաստանը ներկայացնող 7 բռնցքամարտիկներ իրավունք էին ստացել մասնակցելու երիտասարդական աշխարհի առաջնությանը, սակայն նրանցից երկուսը վնասվածքի պատճառով չեն մեկնել մրցմանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։