Հայաստանի ներկայացուցիչ Ռաֆայել Հակոբյանը դուրս է եկել Հունգարիայի մայրաքաղաք Բուդապեշտում անցկացվող բռնցքամարտի աշխարհի երիտասարդական առաջնության քառորդ եզրափակիչ:
56 կգ քաշային կարգի երկրորդ մենամարտում Հակոբյանը հաղթել է վրացի Գիա Տոտլաձեին: Մեկնարկային փուլում հայ բռնցքամարտիկն ուժեղ էր գտնվել թուրք Այկոլ Միզանից:
Օգոստոսի 24-ին ռինգ դուրս կգան նաեւ 64 կգ քաշային Բենիկ Նիկողոսյանն ու 75 կգ քաշային Ռաֆայել Հովհաննիսյանը, որոնք եւս մեկնարկել էին հաղթանակով եւ կգոտեմարտեն քառորդ եզրափակիչի ուղեգրի համար:
Հայաստանը երիտասարդական հավաքականի կազմում Բուդապեշտ էին մեկնել նաեւ 49 կգ քաշային Սեյրան Եղիկյանը ու 52 կգ քաշային Արթուր Բազեյանը, որոնք մեկնարկել էին պարտությամբ եւ լքել պայքարը:
Հիշեցնենք, որ պատմության մեջ առաջին անգամ Հայաստանը ներկայացնող 7 բռնցքամարտիկներ իրավունք էին ստացել մասնակցելու երիտասարդական աշխարհի առաջնությանը, սակայն 2 բռնցքամարտիկները վնասվածքի պատճառով չեն մեկնել մրցմանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։