Եվրոպայի լիգա. Անգլիացի երկրպագուին դանակահարել են «Օլիմպիակոսի» խաղից առաջ

11:50   24 օգոստոսի, 2018

Անգլիական «Բարնլիի» երկրպագուները Հունաստանում հարձակման են ենթարկվել «Օլիմպիակոսի» դեմ ֆուտբոլի Եվրոպայի լիգայի որակավորման վերջին՝ փլեյ-օֆֆ փուլի առաջին խաղից առաջ:

Sky Sports-ի համաձայն՝ երկրպագուներից մեկին դանակահարել են: Վնասվածք են ստացել եւս 4 մարդիկ: «Բարնլիի» երկրպագուների վրա հարձակվել են հանդիպումից անմիջապես առաջ: Տուժողներին  օգնություն են ցուցաբերել ստադիոնում:

«Օլիմպիակոսի»՝ 3:1 հաշվով հաղթանակով ավարտված խաղին ներկա են եղել «Բարնլիի» 900 երկրպագուներ: «Օլիմպիակոսն» ու Հունաստանի ոստիկանությունը հետաքննություն են սկսել միջադեպի վերաբերյալ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։