Բասկետբոլի Հայաստանի առաջնությանը կմասնակցեն 8 թիմեր
20:43 23 օգոստոսի, 2018Բասկետբոլի Հայաստանի «Ա» լիգայի կանոնավոր առաջնությանն այս տարի կմասնակցեն 8 թիմեր Հայաստանի տարբեր մարզերից, Երեւանից ու Արցախից, հայտնում են բասկետբոլի ֆեդերացիայից:
Այս մրցաշրջանում լիգային չի մասնակցի «Ինժեներ» ակումբը: Լիգայի նորեկներն են՝ «Արագած» եւ «Էրեբունի» ակումբները, որոնք ներկայացնում են Երեւանը:
Ա լիգան կանցկացվի շրջանաձեւ համակարգով՝ երկու շրջանով, այնուհետ թիմերը պայքարը կշարունակեն փլեյ-օֆֆ փուլում:
Ա լիգային կմասնակցեն «Ուրարտու Վիվարո» (Երևան), ՖԻՄԱ (Երեւան), «Շիրակ» (Գյումրի), «Արթիկ» (Արթիկ), «Արագած» (Երեւան), «Արցախ» (Ստեփանակերտ), «Գրանդ Սպորտ» (Երեւան) եւ «Էրեբունի» (Երեւան) ակումբները: «Ուրարտու Վիվարոն» տնային հանդիպումները կանցկացնի Վանաձոր քաղաքում:
«Ա» լիգան կմեկնարկի հոկտեմբերի 6-ին եւ կշարունակվի մինչեւ 2019 թվականի մայիսը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։