43-ամյա մարմնամարզուհին արծաթե մեդալ է նվաճել Ասիական խաղերում
18:40 23 օգոստոսի, 2018Ուզբեկ մարմնամարզուհի Օքսանա Չուսովիտինան արծաթե մեդալակիր է դարձել Ինդոնեզիայում ընթացող Ասիական խաղերի հենացատկի վարժությունում: 43-ամյա մարզուհին ոսկե մդալակրին զիջել է ընդամենը 10 միավոր:
Օքսանա Չուսովիտինան մտադիր է մասնակցել Տոկիո-2020 Օլիմպիական խաղերին: Դա կլինի նրա կարիերայի 8-րդ Օլիմպիական խաղերը: Եթե նա հանդես գա Տոկիո-2020-ում, ապա կդառնա Օլիմպիական խաղերին մասնակցած ամենատարեց մարմնամարզիկը վերջին 100 տարում:
Չուսովիտինան Օլիմպիական խաղերում նվաճել է 2 մեդալ (ոսկե եւ արծաթե), աշխարհի առաջնությունում՝ 11 (3 ոսկե, 4 արծաթե եւ 4 բրոնզե), իսկ Եվրոպայի առաջնությունում՝ 4 (1 ոսկե, 3 արծաթե): Կարիերայի ընթացքում նա հանդես է եկել ԽՍՀՄ-ի (1991-1992-ը), Գերմանիայի (2006-2012-ը) եւ Ուզբեկստանի (1993-2006-ը եւ 2012-ից մինչեւ օրս) հավաքականներում:
Ռիո-2016 Օլիմպիական խաղերում ուզբեկ մարզուհին 7-րդ տեղը գրավեց հենացատկում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։