«Բարսելոնայի» ու «Արսենալի» նախկին ֆուտբոլիստը գոլ է խփել 3 տարվա ընդմիջումից հետո
13:44 22 օգոստոսի, 2018Բելառուսական ԲԱՏԷ-ի 37-ամյա կիսապաշտպան Ալեքսանդր Գլեբը գոլի հեղինակ է դարձել տեւական ընդմիջումից հետո: Դա տեղի է ունեցել հոլանդական «ՊՍՎ Էյնդհովենի» դեմ ֆուտբոլի Չեմպիոնների լիգայի որակավորման փլեյ-օֆֆ փուլի առաջին խաղում, որում Բելառուսի հավաքականի, «Բարսելոնայի» ու Լոնդոնի «Արսենալի» նախկին ֆուտբոլիստը փոխարինման է դուրս եկել 65-րդ րոպեին, իսկ 88-րդ րոպեին կրճատել է հաշիվը: Այդ խաղում ԲԱՏԷ-ն տնային պարտություն էր կրել 2:3 հաշվով:
Ալեքսանդր Գլեբը նախորդ անգամ գոլի հեղինակ էր դարձել 2015 թվականի մայիսին, երբ հանդես էր գալիս թուրքական «Գենչլերբիրլիգիի» կազմում:
Հիշեցնենք, որ ՊՍԺ-ի ու ԲԱՏԷ-ի միջեւ պատասխան հանդիպումը կկայանա օգոստոսի 29-ին Հոլանդիայում: Չեմպիոնների լիգայի որակավորման փլեյ-օֆֆ փուլում հաղթողները նվաճում են խմբային փուլի ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։