Մխիթարյան. Այլեւս չենք ցանկանում խաղալ այն ֆուտբոլը, որը պահանջում էր Վենգերը
22:08 21 օգոստոսի, 2018Լոնդոնի «Արսենալի» ֆուտբոլիստները ցանկանում են խաղալ թիմի նախկին գլխավոր մարզիչ Արսեն Վենգերի դավանած խաղից տարբերվող ֆուտբոլ: Այդ մասին ասել է անգլիական ակումբի եւ Հայաստանի հավաքականի կիսապաշտպան Հենրիխ Մխիթարյանը:
«Մենք ունենք նոր մարզիչ եւ նոր փիլիսոփայություն: Մենք այլեւս չենք ցանկանում խաղալ այն ֆուտբոլը, որը պահանջում էր Վենգերը: Էմերին խնդրում է մեզ գերիշխել խաղադաշտում: Մենք ձգտում ենք կատարել դա եւ միայն գնդակը առաջ չուղարկել:
Մենք գոհ չենք թիմի ընթացիկ արդյունքներից, բայց մնում ենք լավատես եւ հավատում մեր ուժերին: Արդյունք կլինի»,- Մխիթարյանի խոսքը մեջբերում է Sky Sports-ը:
Հիշեցնենք, որ Անգլիայի առաջնության առաջին երկու տուրերում «Արսենալը» պարտվել է չեմպիոն «Մանչեսթեր Սիթիին» եւ «Չելսիին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։