Գերմանիայի չեմպիոն Մյունխենի «Բավարիան» մտադիր է ձեռք բերել Մադրիդի «Աթլետիկոյի» եւ աշխարհի չեմպիոն Ֆրանսիայի հավաքականի հարձակվող Անտուան Գրիզմանին, հաղորդում է A Bola-ն:
«Բավարիայի» ղեկավարությունը թիմը ուժեղացնելու տարբերակներ է փնտրում վետերաններ Արյեն Ռոբենին եւ Ֆրանկ Ռիբերիին շուտով հրաժեշտ տալու ֆոնին:
Նրանց կարծիքով՝ լավագույն թեկնածուն 27-ամյա Գրիզմանն է, որի պայմանագրում «Աթլետիկոն» տրանսֆերային գին է սահմանել 200 միլիոն եվրո:
Գրիզմանի պայմանագիրը «Աթլետիկոյի» հետ նախատեսված է մինչեւ 2022 թվականը: Նա իսպանական թիմում է 2014 թվականից: Այս ամռանը Գրիզմանը մոտ էր «Բարսելոնա» տեղափոխվելուն, սակայն վերջին պահին որոշեց մնալ «Աթլետիկոյում»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։