Պրիմերայի ֆուտբոլիստները դեմ են ԱՄՆ-ում եւ Կանադայում Իսպանիայի առաջնության խաղեր անցկացնելուն
18:45 21 օգոստոսի, 2018Իսպանական Պրիմերայի ակումբների ֆուտբոլիստները դժգոհ են լիգայի ղեկավարության որոշումից, որի համաձայն ԱՄՆ-ում եւ Կանադայում պետք է տեղի ունենան Իսպանիայի առաջնության մի քանի հանդիպումներ:
Պրիմերայի բոլոր ակումբների ավագները օգոստոսի 22-ին Իսպանիայի ֆուտբոլիստների ասոցիացիայի գրասենյակում կկազմեն համատեղ հայտարարություն այդ որոշման դեմ: Ֆուտբոլիստները հանդես կգան նաեւ Իսպանիայի առաջնության հանդիպումները ուրբաթ եւ երկուշաբթի անցկացնելու դեմ, հաղորդում է AS-ը:
Իսպանական լիգան համաձայնության էր հասել Relevant ընկերության հետ առաջիկա 15 տարիներին ԱՄՆ-ում եւ Կանադայում Իսպանիայի առաջնության մի քանի հանդիպումներ անցկացնելու վերաբերյալ: Պայմանագրի կետերից մեկի համաձայն ԱՄՆ-ում պետք է տեղի ունենա նաեւ «Բարսելոնայի» եւ «Ռեալի» միջեւ հանդիպումներից մեկը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։