Արսեն Վենգերը կպարգեւատրվի Լիբերիայի բարձրագույն շքանշանով
10:08 21 օգոստոսի, 2018Լոնդոնի «Արսենալի» լեգենդար գլխավոր մարզիչ Արսեն Վենգերը կպարգեւատրվի Լիբերիայի բարձրագույն շքանշանով: Արարողությունը տեղի կունենա օգոստոսի 24-ին՝ Լիբերիայի անկախության օրը: Վենգերի պես շքանաշան կստանա նաեւ ֆրանսիացի հայտնի մասնագետ Կլոդ Լե Պուան, հայտնում է France Football-ը:
Ֆրանսիացի 2 մասնագետները շքանշանի կարժանանան Լիբերիայի նորընտիր նախագահ, «Ոսկե գնդակ-1995»-ի դափնեկիր Ջորջ Վեայի նախաձեռնությամբ: Նախկին ֆուտբոլիստը ցանկանում է շնորհակալություն հայտնել 2 մարզիչներին, որոնք նրա համար ճանապարհ են բացել եվրոպական ֆուտբոլում:
Հիշեցնենք, որ ֆուտբոլիստի կարիերայի ընթացքում Ջորջ Վեան հանդես է եկել «Մոնակոյում», ֆրանսիական ՊՍԺ-ում, իտալական «Միլանում», անգլիական «Մանչեսթեր Սիթիում» ու «Չելսիում», ֆրանսիական «Մարսելում» ու արաբական «Ալ Ջազիրայում»։ ՖԻՖԱ-ն նրան ճանաչել է 20-րդ դարի լավագույն ֆուտբոլիստ։ 1989, 1994 ու 1995 թվականներին նա ճանաչվել էր Աֆրիկայի լավագույն ֆուտբոլիստ:
Վեան միակ աֆրիկացի ֆուտբոլիստն է, որն արժանացել է «Ոսկե գնդակին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։