Ալեքսիս Սանչեսի մասնակցությունը «Տոտենհեմի» դեմ խաղին հարցականի տակ է
18:43 20 օգոստոսի, 2018Անգլիական «Մանչեսթեր Յունայթեդի» եւ Չիլիի հավաքականի հարձակվող Ալեքսիս Սանչեսը վնասվածք ունի: Նա հայտավորված չէր «Բրայթոնի» դեմ Անգլիայի առաջնության երկրորդ տուրի խաղին: «Մանչեսթեր Յունայթեդը» պարտվել է 2:3 հաշվով: Սանչեսի մասնակցությունը «Տոտենհեմի» դեմ խաղին հարցականի տակ է:
«Չգիտեմ, թե երբ կվերադառնա Սանչեսը: Սպասենք բուժզննման արդյունքին: Կարծում եմ՝ շատ լուրջ վնասվածք չէ: Ենթադրում եմ, որ երկու շաբաթ կբացակայի»,- թիմի գլխավոր մարզիչ Ժոզե Մոուրինյոյի խոսքը մեջբերում է «Մանչեսթեր Յունայթեդի» մամուլի ծառայությունը:
Անգլիայի առաջնության երրորդ տուրի «Մանչեսթեր Յունայթեդ» - «Տոտենհեմ» հանդիպումը տեղի կունենա օգոստոսի 27-ին: Առաջին երկու տուրերում «Տոտենհեմը» վաստակել է 6, «Մանչեսթեր Յունայթեդը»՝ 3 միավոր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։