Մադրիդի «Ռեալի» պաշտպան Ռաֆայել Վարանը հրավիրվել է ֆուտբոլի Ֆրանիայի ազգային հավաքական՝ նախապատրաստվելու օգոստոսի 15-ին կայանալիք Ուրուգվայի թիմի հետ ընկերական հանդիպմանը: Այդ մասին հայտարարել է Ֆրանիայի հավաքականի նորանշանակ գլխավոր մարզիչ Դիդյե Դեշամը:
Ֆրանսիայի երիտասարդական թիմի 19-այմա պաշտպանն առաջին անգամ է հրավիրվում ազգային հավաքական: Ռաֆայել Վարանը 2011-ին ֆրանսիական «Լանսից» է տեղափոխվել «Ռեալ»:
Դիդյե Դեշամի խոսքով՝ Ուրուգվայի հետ հանդիպմանը թիմում նոր անուններ կլինեն: Այդ խաղին վնասվածքի պատճառով չեն մասնակցի «Վալենսիայի» պաշտպան Ադիլ Ռամին ու «Նյուքասլի» կիսապաշտպան Յոան Կաբայը: Սամիր Նասրին ու Ժերեմի Մենեզը որակազրկված են Ֆրանսիայի ֆուտբոլի ֆեդերացիայի կողմից, գրում է Goal.com-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։