Ցինցինատի. Ջոկովիչը 6-րդ փորձից հաղթեց եզրափակիչում, իսկ Ֆեդերերը պարտվեց առաջին անգամ
02:14 20 օգոստոսի, 2018ԱՄՆ-ի Ցինցինատի քաղաքում անցկացված թենիսի «Մասթերս-1000» շարքի մրցաշարի հաղթողի տիտղոսը նվաճեց աշխարհի 10-րդ ռակետ Նովակ Ջոկովիչը:
Եզրափակիչում սերբ թենիսիստը 6:4, 6:4 հաշվով հաղթեց շվեյցարացի Ռոջեր Ֆեդերերին: Մրցախաղը տեւեց 1 ժամ 24 րոպե:
Նովակ Ջոկովիչը դարձավ պատմության առաջին թենիսիստը, որը հաղթեց բոլոր՝ 9 «Մասթերսներում»:
31-ամյա Ջոկովիչը 70-րդ տիտղոսը նվաճեց կարիերայում եւ երկրորդն այս մրցաշրջանում: Հուլիսին նա հաղթել էր նաեւ Ուիմբլդոնի մրցաշարում:
Ռոջեր Ֆեդերերը 7 անգամ հաղթել է Ցինցինատիի մրցաշարում, որի եզրափակիչում պարտվեց առաջին անգամ: Նովակ Ջոկովիչը Ցինցինատիի մրցաշարի եզրափակիչում խաղաց 6-րդ անգամ, իսկ նախորդ 5 դեպքերում պարտություն էր կրել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։