Ունաի Էմերի. Պետր Չեխը կխաղա «Չելսիի» դեմ
19:32 16 օգոստոսի, 2018Անգլիայի առաջնության երկրորդ տուրում «Չելսիի» դեմ լոնդոնյան դերբիում «Արսենալի» իսպանացի գլխավոր մարզիչ Ունաի Էմերին դարպասապահներ, գերմանացի Բերնդ Լենոյի եւ չեխ Պետր Չեխի մրցակցությունում նախապատվությունը կտա 36-ամյա Չեխին:
«Շատ գոհ եմ Չեխի խաղից: Նա բարձրակարգ խաղացող է, ունի հսկայական փորձ: Ես հավանում եմ նրա խաղը: Որոշումը հեշտ է տրվել: Մեկնարկային կազմում կլինի Պետր Չեխը: Ես հավատում եմ նրան: Եթե նա ոչ ամենահաջող հանդիպումը անցկացնի, ապա միեւնույն է՝ ես կշարունակեմ վստահել նրան»,- Էմերիի խոսքը մեջբերում է Sky Sports-ը:
Հիշեցնենք, որ Պրեմյեր լիգայի առաջին տուրում եւս «Արսենալի» մեկնարկային կազմում Չեխն էր, որը երկու գոլ բաց թողեց «Մանչեսթեր Սիթիից»:
«Չելսի» - «Արսենալ» հանդիպումը տեղի կունենա օգոստոսի 18-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։