Լոնդոնի «Արսենալի» բժշկական շտաբը տեղեկատվություն է ներկայացրել վնասվածքից վերականգնվող ֆուտբոլիստների վերաբերյալ, հայտնում է ակումբի կայքը:
Անգլիացի կիսապաշտպան Էնսլի Մեյթլենդ-Նայլզը թիմին չի օգնի սեպտեմբերին: 20-ամյա ֆուտբոլիստի մոտ ախտորոշվել է սրունքի կոտրվածք, ինչի պատճառով նա բաց կթողնի 6-8 շաբաթ: Նույնքան բաց կթողնի նաեւ անգլիացի պաշտպան Կարլ Ջենկինսոնը, որը ստացել է կրնկի վնասվածք:
Ծնկի վնասվածք ստացած բոսնիացի պաշտպան Սեադ Կոլաշինացը դաշտ կվերադառնա հոկտեմբերին, իսկ «Արսենալի» ավագ Լորան Կոսելնին մարզումները կվերսկսի նոյեմբերին:
Իսպանացի պաշտպան Նաչո Մոնրեալն ու անգլիացի հարձակվող Դենի Ուելբեկը վերսկսել են մարզումները թիմի ընդհանուր խմբում:
Հիշեցնենք, որ Անգլիայի Պրեմյեր լիգայի առաջին տուրում «Արսենալը» 0:2 հաշվով տնային պարտություն էր կրել գործող չեմպիոն «Մանչեսթեր Սիթիից»: Երկրորդ տուրում լոնդոնյան ակումբը օգոստոսի 18-ին կհյուրընկալվի «Չելսիին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։